Li|iana on Ice: Bergmál!

« Home | 1. dagur flutninga (16.6.'04) » | Það eru rollur inn í mér...(15.6.'04) » | 3 dagar í kjööööt (14.6.'04) » | Ég ætla ekki að vera óþolandi... » | Brandarar » | 100 hlutir um mig » | Áttu smá stund að drepa? » | Gestabók » | Netprófin mín » 

miðvikudagur, júní 23, 2004 

Bergmál!

Það ekkóar allt í íbúðinni núna.
Við vorum rosa dugleg í gær og í morgun og náðum að fara með megnið af draslinu okkar yfir, bara smotterí eftir núna. Verst helvíti hvað það tekur langan tíma að svissa símanúmerinu og netinu yfir í hina íbúðina, svo ég sé fram á fráhvörf og læti næstu daga.
Ég ætlaði nú að vera dugleg í dag og þrífa út úr þessari stíu hérna en það fór nú á annan veg... *hóst* En ég lofa að vera dugleg á morgun, þrífa eins og ofvirkur minkur í hænsnabúi - eða kynsveltur sjóari í hóruhúsi - eða mamma.

Það verður því fátt um fína drætti hjá mér í kjaftæðinu hérna af því að ég SKAL vera dugleg og klippa á símasnúruna ef það er það sem þarf til að ég hamist meira á klósettgólfinu og loftinu í svefnherbergjunum!
Nú er ég bara að bíða eftir að kalllufsan mín hunskist heim til að klára að fara með síðasta dótið og svo ætla ég í baaaaað! Apastuðullinn hefur aukist mjög mikið hjá mér síðustu dagana (fyrir málfarslega hefta þá er apastuðull hlutfallið milli líkamshæðar og lengdar á handleggjum) út af ofburði framburði og útburði! Vona að þessi fjandi skreppi saman eitthvað á næstu dögum, það er lýjandi að þurfa alltaf að vera að skrapa mold og smásteina undan nöglunum af því að maður dregur handleggina á eftir sér!

Over and out!